Met Gala 2025, eventi më i madh i modës që mblodhi yjet më të mëdhenj të industrisë së artit, muzikës dhe kinemasë, u mbajt të hënën mbrëma me gjithë shkëlqimin dhe ekstravagancën që e karakterizon çdo vit.
Por këtë herë, vëmendja nuk u përqendrua vetëm te veshjet luksoze — një detaj i vogël në dukje, por shumë domethënës, bëri që të gjitha sytë të kthehen nga vetë mikpritësja e ngjarjes: Anna Wintour.
E njohur për stilin e saj të përmbajtur dhe të rafinuar, kryeredaktorja e revistës “Vogue” dhe figura kryesore e Met Gala-s që nga viti 1995, u shfaq me një fustan elegant ngjyrë argjendi nga “Louis Vuitton”, me motive lulesh, bizhuteri të shumëfishta dhe prerjen e saj të famshme të flokëve në stilin bob.
Por ajo që nuk pritej ishte një njollë e vogël me ngjyrë të kuqe në pjesën e poshtme të fustanit, e vërejtur menjëherë nga përdoruesit e rrjeteve sociale.
Platforma X (ish-Twitter) shpërtheu me komente dhe humor të zi.
Njollë?!!! Dikush do të shkarkohet…
– shkruante një komentues, ndërsa të tjerë pyesnin:
Si nuk pati askush një stilolaps për heqjen e njollave?
Sa keq për ndonjërin që do ta përballojë zemërimin e Annës për këtë.
Për një figurë si Wintour, e cila përfaqëson përpikmërinë në modë dhe elegancën e pakompromis, një defekt i tillë – sado i vogël – u kthye menjëherë në një nga momentet më të diskutuara të mbrëmjes.
Do të doja të isha një mizë në mur kur ajo e vuri re njollën
– shkruante dikush tjetër me ironi.
Ndërkohë, në një mbrëmje ku çdo detaj llogaritet me precizion absolut, kjo situatë vërtetoi edhe një herë se kur je Anna Wintour, asgjë nuk i shpëton syrit të publikut — madje as një njollë thuajse e padukshme.
