Sipas rezultateve të hulumtimit të kompanisë analitike Counterpoint Research, Apple dhe Samsung dominuan në listën e top-10 smartfonëve më të shitur gjatë tremujorit të parë të 2024-ës. Telefoni më i shitur në periudhën janar-mars ishte iPhone 15 Pro Max, nga Apple, me 4.4% të tregut. U pasua nga iPhone 15 dhe iPhone 15 Pro në vendin e dytë dhe të tretë. iPhone 14, i cili ishte telefoni më i shitur në të njëjtën periudhë të vitit të kaluar, ishte në pozitën e katërt për nga shitjet.
Vendin e pestë e zuri Galaxy S24 Ultra i Samsung. Hulumtimi nga Counterpoint tregoi disa tendenca të tjera interesante në industrinë e telefonisë gjatë muajve të parë të vitit 2024. Për herë të parë, të gjitha modelet në TOP-10 kanë aftësi 5G. Trendi i blerjes së modeleve premium është i dukshëm, pasi shtatë nga 10 modele i përkasin segmentit premium (çmimi prej 600 dollarë ose më shumë).
Të dhëna të reja kanë zbuluar se shitjet e telefonave panë një rritje të lehtë globalisht në fund të vitit 2024. Seria iPhone 16 e Apple mbetet telefoni më i shitur në mbarë botën. Është interesante se tiparet e Al kanë filluar të ndikojnë në zgjedhjet e konsumatorëve, me mbi një në pesë blerës që thonë se AI luajti një rol në preferencën e tyre. Për më tepër, iPhone 16 performoi mirë në Evropë, veçanërisht në Britaninë e Madhe. Ndërsa Apple vazhdoi dominimin në SHBA, me iOS që ruan një pjesë të tregut prej 54%. Seria iPhone 16 kapi 20% të shitjeve totale, me 16 Pro Max që është më i popullarizuari.
Ju mund të prisni me të vërtetë prezantimin e iOS 18.4 për shkak të ndryshimeve që vijnë në Siri që do t’i lejojnë asistentit digjital të ketë qasje në tekstet, emailet shënimet në kalendar dhe të kuptojë se çfarë është në ekranin e telefonit tuaj. Disa përdorues të iPhone janë duke pritur me padurim iOS 18.4 në mënyrë që të mund të përdorin veçoritë e reja dhe të përmirësuara të Sirit. Megjithatë, duket se Apple po planifikon të nxjerrë një përditësim të papritur përpara se të lëshohet iOS 18.4. Duket se iOS 18.3.1 është shfaqur në regjistrat e brendshëm të vizitorëve të 9to5Mac që do të thotë se Apple ka testuar këtë përditësim.
