Llogaria e Instagramit të North West, 12-vjeçares, është zhdukur në mënyrë misterioze vetëm pak javë pas debutimit të saj solo në rrjetet sociale. Kur përpiqesh të kërkosh profilin, shfaqet mesazhi “profile isn’t available”, që zakonisht tregon se llogaria është çaktivizuar ose fshirë.
Nuk është e qartë nëse vendimi është marrë nga vetë North, prindërit e saj, Kim Kardashian dhe Kanye West, apo nga Instagram. Përfaqësuesit e familjes nuk kanë dhënë ende sqarime.
North debutoi në platformë fundin e muajit të kaluar me një postim të vetëm, ku shfaqej e stilizuar, me një foto të zbehtë, duke sinjalizuar një debutim të kujdesshëm.
Bio-ja e llogarisë shënonte se ajo ishte “managed by parents”, duke nënkuptuar që prindërit kontrollonin prezencën e saj online.
Llogaria u zhduk në një kohë kur North ka qenë objekt diskutimesh në internet për pamjen e saj, përfshirë spekulime mbi piercing-e të dukshme dhe stilin e saj personal.
Në debutimin e saj, ajo shfaqej me një Balenciaga jersey të zezë, minifund të zezë dhe çizme të gjata me zinxhirë argjendi, duke kompletuar look-un me bizhuteri të shumta.
Kim Kardashian ka folur më parë për sfidat e të rriturit të fëmijëve të saj në publik, duke shpjeguar se North eksperimenton me stilin e saj për të ngjashëm me shoqet, dhe se si prind i vetëm për katër fëmijë, ajo përpiqet të gjejë balancën mes kreativitetit dhe mbrojtjes së fëmijës nga kritikat.
Ndërkohë, raportimet e fundit sugjerojnë se vendimi për të hequr llogarinë mund të jetë i lidhur me shqetësime mbi privatësinë dhe reagimet e publikut ndaj eksperimentimeve të vogëlushes me pamjen dhe stilin e saj.
Në mungesë të një deklarate zyrtare nga familja ose Instagram, misterioziteti mbetet, duke lënë fansat të pyesin nëse North do të kthehet online apo jo.
