Demi Moore ka reaguar në Instagram pas humbjes së saj në Oscar ku ka uruar fituesin e çmimit për aktoren më të mirë, Mikey Madison. Aktorja 62-vjeçare u nominua në kategorinë për interpretimin e saj në “The Substance”, nominimi i parë për Oscar në karrierën e saj por nuk arriti të fitojë çmimin. Moore u konsiderua si një nga favoritet për çmimin e lakmuar, me performancën e saj si Elizabeth Sparkle. Pavarësisht çdo zhgënjimi, Demi Moore ruajti gjakftohtësinë dhe postoi një video të përgatitjeve të saj për mbrëmjen magjepsëse, duke i përshkruar muajt e fundit si “udhëtimi i jetës”.
Aktorja shkroi: “Ndërsa ky sezon i çmimeve po përfundon, ndjej një mirënjohje të pamasë për këtë rrugëtim. Ka qenë udhëtimi i jetës dhe ne sapo po fillojmë! Ndihem shumë mirënjohës për ekipin tim, bashkë-kandidatët e mi dhe të gjithë ata që e bënë këtë përvojë kaq plot gëzim dhe dritë.”
View this post on Instagram
Moore përmendi gjithashtu regjisoren e “The Substance”, Coralie Farge dhe Margaret Qualley, duke thënë se ishte një ” nder” të punoja me ta. Dhe një përshëndetje të madhe për #MikeyMadison, mezi pres të shoh se çfarë do të bëni më pas.” Videoja fillon me Moore duke u përgatitur për natën e Oscarit, duke mbajtur në krahë qenin e saj teksa shfaqet e veshur dhe me make-up.
Rikujtojmë se “Anora” mbylli çmimet e saj mahnitëse të Oscar-it, duke fituar filmin më të mirë, duke u forcuar si fituesi më i madh i natës me pesë çmime gjithsej. Drama komedi për martesën e stuhishme të një balerini ekzotik me një trashëgimtar rus sfidoi shifrat e saj modeste në arkë për të dominuar skenën më të madhe të Hollywood-it. Me këtë fitore, Sean Baker i bashkohet një klubi elitar, duke barazuar rekordin e Walt Disney për fitimet më konkurruese Oscar në një natë të vetme, duke marrë trofe në shtëpi për regjinë, skenarin origjinal, montimin dhe prodhimin.
