Festa prestigjioze e Vanity Fair pas Oscars këtë vit nuk i shpëtoi polemikave, pasi shumë nga të ftuarit shprehën pakënaqësi për ndriçimin në tapetin e kuq.
Sipas burimeve të pranishme, dritat ishin tepër të forta, duke nxjerrë në pah çdo detaj në mënyrë jo të favorshme dhe duke bërë që shumë yje të ndiheshin të pasigurt për pamjen e tyre në fotografi.
Madje, raportimet tregojnë se një aktore u përlot pasi pa rezultatet e fotove, duke e bërë situatën edhe më të diskutueshme në rrjet.
Ky ndryshim erdhi pas zhvendosjes së eventit në ambientet e Los Angeles County Museum of Art (LACMA), nën drejtimin e redaktorit të ri të Vanity Fair, Mark Guiducci.
Ndryshe nga vitet e kaluara, ku ndriçimi ishte më i butë dhe “magjik”, këtë herë ai u cilësua si i ashpër dhe jo i favorshëm për fotografitë zyrtare.
Si pasojë, disa të ftuar preferuan të publikonin në rrjetet sociale foto nga evente të tjera, duke shmangur imazhet nga tapeti i Vanity Fair.
Megjithatë, disa të pranishëm e konsideruan këtë si një eksperiment të parë në lokacionin e ri, duke shpresuar që organizimi dhe detajet teknike të përmirësohen në edicionet e ardhshme.
