Pamjet magjepsëse të njërës prej dy hënave të plota më të mëdha të vitit 2022 emocionuan njerëzit në të gjithë botën me imazhe mahnitëse që mbërritën nga astrofotografët në New-York, Itali, Amerikë dhe vende të tjera. Hëna e plotë e qershorit, e quajtur edhe Hëna Luleshtrydhe, pasi përkon me sezonin e vjeljes së luleshtrydheve në Evropë dhe Amerikën e Veriut, mbërriti vetëm një javë përpara solsticit të verës, duke ndriçuar mbrëmjet e gjata të ngrohta. Më poshtë, një përmbledhje e fotove të Hënës Luleshtrydhe nëpër botë.
Qershori është një muaj i madh për yjet, pasi përfundoi një retrogradë të rrëmujshme të Mërkurit, nisi një retrogradë serioze të Saturnit. Astrologjikisht, hënat e plota kanë një reputacion për rritjen e emocioneve tona, intensifikimin e dramave ndërpersonale.
Megjithatë, hënat e plota njihen gjithashtu si ndriçuese, pasi energjia e tyre kulmore mund të na ndihmojë të heqim dorë nga gjërat ose t’i shohim situatat nga një këndvështrim i ri. Për shkak se hëna e plotë e qershorit është hëna e plotë e fundit e sezonit të pranverës, atmosfera e saj e orientuar drejt lëshimit do të na frymëzojë të pastrojmë planin tonë në përgatitje për një magji të freskët verore.
