Paris Jackson dhe i fejuari i saj, producenti muzikor Justin Long, kanë vendosur t’i japin fund lidhjes së tyre. Lajmi u konfirmua nga PEOPLE, ndërsa këngëtarja dhe kompozitorja 27-vjeçare e ndau vetë ndarjen përmes një postimi në X më 31 korrik, duke pranuar se po përjeton “lot ndarjeje”, pas publikimit të fotove emocionale nga Daily Mail.
Jackson dhe Long u fejuan në dhjetor, me këngëtaren e “Hit Your Knees” që atëherë deklaroi se “nuk mund të ëndërronte askënd më të përsosur” për ta ndarë jetën. Postimi i fejesës, megjithatë, është fshirë më pas nga rrjetet sociale.
Gjatë verës, Jackson ka qenë në turne me grupin Incubus dhe në qershor kishte treguar për Access Hollywood se ndodhej në fazën e planifikimit të dasmës.
Ajo madje kishte zgjedhur vendin dhe datën e ceremonisë në bazë të këshillave të një astologeje, duke pranuar pasionin e saj për kristalet dhe astrologjinë.
Ndarja e papritur i ka surprizuar fansat, pasi çifti dukej i lumtur dhe i përkushtuar ndaj planeve për martesë.
