Kanye West ka udhëtuar nga Shtetet e Bashkuara në Japoni pas një serie postimesh shpërthyese në platformën “X”, ku sulmoi ish-bashkëshorten e tij, Kim Kardashian, për mënyrën se si po e menaxhon bashkëprindërimin e vajzës së tyre, North. Reperi 47-vjeçar ka vendosur të largohet nga drama dhe të kërkojë qetësi në Tokio, një vend që ai e përshkruan si “i shkëputur dhe paqësor”.
Burime pranë West pohuan se ai është në një gjendje të paqëndrueshme kur është në Los Angeles, por ndihet më i qetë në Japoni. Ndërkohë, gruaja e tij, Bianca Censori, nuk është parë me të kohët e fundit, duke nxitur spekulime mbi marrëdhënien e tyre.
West ka ndezur një tjetër polemikë me Kim Kardashian pas dështimit të një projekti muzikor që përfshinte vajzën e tyre, North, dhe reperin Playboi Carti.
Ai kritikoi ashpër këtë bashkëpunim, duke akuzuar Kim për mbajtjen e kontrollit mbi fëmijët e tyre dhe duke theksuar se “burri ka fjalën e parë dhe të fundit mbi fëmijët e tij”.
Në të njëjtën kohë, West shkaktoi një reagim të ashpër edhe ndaj familjes së Jay-Z dhe Beyonce, me babain e Beyonce, Matthew Knowles, që e paralajmëroi reperin duke thënë se ai “ka nevojë për ndihmë”.
Mes gjithë këtyre polemikave, West po pozicionohet si një zë për ata që, sipas tij, kanë frikë të flasin, ndërkohë që komentet e tij vazhdojnë të shkaktojnë ndasi në industrinë e muzikës dhe jetën e tij personale.
