Partia Demokratike ka filluar zëvendësimin e kryetarëve të degëve të cilët u shkarkuan pak ditë më parë nga kryesia.
PD ka vendosur në drejtim politik të degëve ku janë shkarkuar kryetarët, anëtar të Kryesisë Qendrore, anëtarë të Këshillit Kombëtar apo anëtar të Kryesive të Degëve.
Devolli do të drejtohet nga Bledion Nallbati, ndërsa Shijaku nga Red Varaku. Në Tiranë, drejtues politikë do të jenë nënkryetarët e Partisë Demokratike.
Vendimi i selisë blu vjen pasi atij të kryesisë që pak ditë më parë shkarkoi kryetarët e 12 degëve; Shijak, Fushë-Krujë, Tirana 1, Tirana 3, Tirana 9, Tirana 10, Paskuqan, Devoll, Kolonjë, Kuçovë, Vlorë dhe Gjirokastër.
Berisha mesazh komisionerëve
Një ditë para referendumit të paralajmëruar për ditën e nesërme për shkarkimin e kryedemokratit Lulzim Basha, ish-kryeministri Sali Berisha i është drejtuar komisionerëve.
Berisha thotë se rëndësi ka transparenca e procesit dhe administrimi me korrektesë absolute të çdo vote.
“Drejtuar komisionerëve të Referendumit të Shpresës Një përshendetje të përzemert të gjithë ju komisionereve dhe komisionerëve te qendrave te votimit. Këto orë që na ndajnë nga hapja e qendrave të votimit le të bëjmë përpjekjet me maksimale që të sigurojmë pjesëmarrjen e të gjithë anëtarëve të Partisë Demokratike në votim.
Per ne, rëndësi përcaktuese dhe absolute në këtë festival të votës së lirë ka mbi të gjitha, transparenca e procesit dhe administrimi me korrektesë absolute i çdo vote. Në këtë referendum jetike është vota e lirë e anëtarësisë të PD! Suksese!”, shkruan Berisha.
