Shumë njerëz ndiejnë pickime ose therje të lehta në kraharor kur temperaturat bien, dhe shpesh shqetësohen nëse kjo lidhet me zemrën. Por ekspertët e shëndetit shpjegojnë se në shumicën e rasteve, kjo është një reagim normal i trupit ndaj të ftohtit.
Kur ekspozohemi ndaj temperaturave të ulëta, enët e gjakut ngushtohen (vazokonstriksion) për të ruajtur nxehtësinë.
Kjo mund të shkaktojë tension të muskujve të gjoksit dhe ndjesi pickimi, sidomos kur frymëmarrja është e thellë ose e shpejtë.
Ajri i ftohtë është gjithashtu i thatë dhe irritues për rrugët e frymëmarrjes, çka mund të krijojë ndjesinë e djegies apo pickimit në mushkëri, veçanërisht te personat me ndjeshmëri të lartë ndaj temperaturës.
Kjo ndjesi zakonisht largohet sapo trupi ngrohet, por për ta shmangur, mjekët këshillojnë:
-të vishemi ngrohtë dhe të mbulojmë kraharorin,
-të marrim frymë përmes hundës për ta ngrohur ajrin,
-të shmangim kalimet e menjëhershme nga ambientet e ngrohta në të ftohta.
Nëse pickimet janë të forta, të shpeshta ose shoqërohen me marramendje apo vështirësi në frymëmarrje, është e rëndësishme të bëhet një kontroll rutinë për të përjashtuar problemet kardiake.
