Nëse keni internet të shpejtë, por sinjali është i dobët në disa dhoma, problemi mund të mos jetë te operatori, por te vendi ku ndodhet ruteri. Nëse pranë tij ka një pasqyrë, kjo mund të jetë arsyeja e fshehur. Pasqyrat moderne nuk janë vetëm xham, por në pjesën e pasme kanë një shtresë shumë të hollë metali (zakonisht argjend ose alumin) që shërben për reflektimin e dritës. Kjo shtresë metalike mund të bllokojë ose reflektojë sinjalin Wi-Fi.
Në vend që sinjali të kalojë normalisht nëpër dhomë, ai përplaset me pasqyrën dhe kthehet mbrapsht, duke krijuar ndërhyrje dhe “zona të vdekura” ku interneti është shumë i dobët ose mungon fare. Sa më e madhe të jetë pasqyra, aq më i madh është ndikimi. Përveç pasqyrave, edhe disa objekte të tjera si uji (p.sh. akuariumet), pajisjet metalike apo mikrovalët mund të pengojnë sinjalin Wi-Fi. Për këtë arsye, rekomandohet që ruteri të vendoset në një hapësirë të hapur, larg pasqyrave dhe objekteve metalike, në mënyrë që sinjali të shpërndahet më mirë në gjithë shtëpinë.
Google ka paralajmëruar miliarda përdorues të smartfonëve për rrezikun që llogaritë e tyre bankare të boshatisen nëse lidhen me rrjete publike Wi-Fi. Kompania thekson se këto rrjete, që gjenden në kafene, aeroporte apo vende publike, shpesh janë “të paenkriptuara dhe lehtësisht të shfrytëzueshme nga sulmuesit kibernetikë”. Ekspertët kanë paralajmëruar prej kohësh se rrjetet falas të Wi-Fi mund të përdoren nga kriminelët për të vjedhur të dhëna personale dhe financiare.
Google rekomandon që përdoruesit të shmangin lidhjen me këto rrjete sa herë që është e mundur. Po ashtu, këshillon që përdoruesit të monitorojnë rregullisht llogaritë bankare dhe raportet e kredive. Siç është thënë më tej, pajisjet Android mund të zbulojnë e të paralajmërojnë për mashtrime të mundshme, ndaj përdoruesit duhet t’u kushtojnë vëmendje këtyre njoftimeve.
