Rikthimi te një ish-partner është një nga paradokset më të zakonshme në marrëdhëniet romantike. Edhe kur arsyeja e ndarjes ka qenë dhimbshme, shumë njerëz ndihen të tërhequr emocionalisht për t’u kthyer pas. Shkenca ka një shpjegim të qartë për këtë sjellje.
Sipas një studimi të publikuar nga “University College London”, truri e lidh figurën e ish-partnerit me ndjenjën e sigurisë dhe familjaritetit.
Edhe nëse marrëdhënia ka qenë toksike, ajo përfaqëson diçka të njohur, ndërsa e panjohura krijon ankth. Truri shpesh zgjedh dhimbjen e njohur sesa pasigurinë.
Një tjetër faktor është varësia emocionale. “Journal of Social and Personal Relationships” thekson se marrëdhëniet e gjata krijojnë lidhje neurokimike të forta, të ngjashme me varësinë. Kjo e bën ndarjen një proces të ngadalshëm dhe rikthimin një impuls të fortë emocional.
Psikologët këshillojnë që rikthimi të mos bëhet gjatë fazës së pikëllimit emocional. Vetëdija, distanca dhe reflektimi janë thelbësore për të kuptuar nëse dëshira për rikthim vjen nga dashuria apo nga frika e vetmisë.
