Rrudhosja e gishtave pas qëndrimit në ujë nuk është thjesht rezultat i thithjes së lagështirës nga lëkura, siç besohej dikur. Sipas shkencëtarëve, ky fenomen është një reagim automatik i sistemit nervor dhe ka një funksion praktik: përmirëson kapjen në mjedise të lagështa.
Studiuesit e konsiderojnë këtë si një mekanizëm evolucionar që ndihmon njerëzit të qëndrojnë më të qëndrueshëm dhe të kapin më lehtë objekte në sipërfaqe të rrëshqitshme – një aftësi e dobishme në kushte natyrore si pyjet apo uji i rrjedhshëm.
Pra, herën tjetër që do t’ju rrudhen gishtat në ujë, kujtoni se nuk është thjesht një efekt anësor i dushit, por një “truk inteligjent” i trupit për t’ju ndihmuar të mos rrëshkisni.
