Rebel Wilson ka rrëfyer arsyen pse takimi me prindërit e partneres së saj, Ramona Agruma, u vonua për një kohë të gjatë.
Aktorja e “Pitch Perfect”, 45 vjeç, e bëri publike lidhjen me sipërmarrësen 41-vjeçare në vitin 2022.
Po atë vit, çifti mirëpriti vajzën e tyre, Royce, përmes një nëne surrogate. Një vit më vonë, ata kurorëzuan dashurinë me një ceremoni madhështore në Sardenjë të Italisë, të ndjekur nga një martesë ligjore në Sydney, të drejtuar nga motra e Wilsonit.
Megjithatë, aktorja pranoi se familja e Agrumas pati vështirësi në fillim për ta pranuar marrëdhënien e tyre.
Ramona ka lindur në Letoni, dhe atje nuk ka të njëjtin nivel pranueshmërie ndaj komunitetit LGBTQ+ si në vende të tjera
-tha Wilson për programin “Today”.
Ajo shtoi se e kupton që disa njerëz kanë nevojë për më shumë kohë, ndërsa të tjerë mund të mos pranojnë kurrë një lidhje të tillë, por theksoi se shpreson të ndërtojë një marrëdhënie me prindërit e partneres së saj.
Jam shumë e emocionuar t’i takoj, sepse e di që janë njerëz shumë të zgjuar. Nëna e Ramonës është mjeke
-tha Wilson.
