Udhëtim me votën e shqiptarëve në zgjedhje. Top Albania Radio vjen me një maratonë informative dhe analitike me raportime nga terreni dhe opinionistë për të sjellë në kohë reale gjithçka do ndodhë ditën e zgjedhjeve më 11 Maj dhe ditët në vijim deri në daljen e rezultatit të plotë me “Shqipëria Vendos – Zgjedhjet 2025”.
Nën drejtimin e gazetarit Blendi Salaj, Top Albania Radio ju sjell një maratonë zgjedhore me raportime të gazetarëve të Top Media nga çdo cep i Shqipërisë – shoqëruar me analiza në studio, intervista me protagonistët dhe rezultatet e çdo qyteti.
Nëpërmjet një lidhjeje telefonike me Blendi Salaj për të raportuar për ecurinë e procesit të votimit sot më 11 maj, Doriana Bezat gazetarja e Top Channel tregoi ndër të tjera edhe arsyen se si ndodh ruajtja e procesit zgjedhor nga ana e SPAK dhe task-forcës së tyre në terren.
