Rogerti ka habitur publikun dhe vetë banorët me një kthesë të papritur në qëndrimin e tij pas largimit nga shtëpia e “Big Brother VIP”. Pasi kishte kaluar pragun e derës së kuqe dhe kishte ndërprerë zyrtarisht rrugëtimin në lojë, gjithçka dukej e mbyllur për të. Megjithatë, situata mori një drejtim tjetër vetëm pak minuta më vonë.
Gjatë transmetimit live, moderatori Ledion Liço iu drejtua disa herë me pyetje të drejtpërdrejta, duke i kërkuar të ishte i sigurt për vendimin e tij dhe duke i lënë hapësirë për të reflektuar. Pas këtij komunikimi dhe mes një atmosfere të ngarkuar emocionesh, Rogerti ndryshoi qëndrim dhe vendosi të rikthehet në shtëpi.
Vendimi i tij u shoqërua me reagime të forta, si nga publiku në studio ashtu edhe nga banorët, të cilët u surprizuan nga rikthimi i menjëhershëm. Disa e panë këtë si një moment dobësie emocionale, të tjerë si një strategji loje, ndërsa pati edhe nga ata që e konsideruan një reagim impulsiv të momentit.
Rikthimi i Rogertit pritet të ndikojë ndjeshëm në dinamikat e shtëpisë, sidomos pas debateve të ashpra që paraprinë largimin e tij. Tashmë mbetet për t’u parë nëse ky vendim do të shërbejë si një pikë kthese për të rregulluar raportet me banorët apo do të shtojë edhe më shumë tension në lojë.
