Romeo Beckham dhe e dashura e tij, Kim Turnbull, janë parë sërish bashkë në Londër, duke konfirmuar ribashkimin e tyre pas një ndarjeje të shkurtër, dhe këtë herë, me unaza ari në gishtat e unazës, duke nxitur dyshime për një fejesë të mundshme.
Djali i dytë i çiftit të famshëm David dhe Victoria Beckham, 23 vjeç, dhe DJ-ja britanike 25-vjeçare, u panë të dielën duke shijuar një ditë të qetë në Londër.
Romeo mbante në duar një vazo me lule, ndërsa Kim ecte pranë tij me qenin e saj të vogël.
Të dy kishin zgjedhur veshje të thjeshta dhe sportive, Kim me një xhaketë të errët parka dhe një komplet gri, ndërsa Romeo me një bluzë të zezë, xhup të fryrë blu dhe atlete kafe me lidhëse rozë.
Kjo dalje vjen vetëm pak javë pasi çifti u pa sërish bashkë në Paris, duke konfirmuar ribashkimin e tyre pas ndarjes në prill.
Më herët, mediat britanike raportuan se tensionet mes vëllezërve Beckham, Romeo dhe Brooklyn, kishin ndikuar në marrëdhënien e tij me Kim, duke sjellë ndarjen.
Megjithatë, duket se Romeo dhe Kim e kanë lënë pas të shkuarën. Dyshja janë parë të përqafuar dhe të qeshur gjatë pushimeve në Paris, ku darkuan në një restorant të njohur në qytetin e dritave.
Sipas “Daily Mail”, ribashkimi i tyre u bë publik muajin e kaluar, kur Romeo publikoi një foto me Kim në “Instagram Story”-n e tij. Ky ishte postimi i parë i përbashkët që nga ndarja, dhe një shenjë e qartë se romanca e tyre është rikthyer më e fortë se kurrë.
Çifti u lidh për herë të parë në tetor të vitit 2024 dhe u bënë “zyrtarë” në rrjetet sociale një muaj më vonë.
Kohët e fundit janë parë bashkë edhe në garën e Formula 1 në Singapor, duke i shtuar më shumë dyshimet se marrëdhënia e tyre po shkon drejt një hapi më serioz.
Me unazat e arta në duar dhe buzëqeshjen në fytyrë, Romeo Beckham dhe Kim Turnbull duken të dashuruar dhe më të bashkuar se kurrë.
