Romeo Beckham, djali i David dhe Victoria Beckham, kaloi një moment të sikletshëm gjatë eventit të lançimit të revistës EE72 të Edward Enninful, ku u përball me ish-të dashurën e tij, Mia Regan, ndërsa ishte i shoqëruar nga partnerja aktuale, Amelia Gray.
23-vjeçari dhe Mia Regan ishin në një lidhje për pesë vite, e cila përfundoi rreth shtatë muaj më parë. Sipas mediave britanike, ndarja u pasua nga një grindje dhe Mia u largua nga shtëpia që ndanin bashkë.
Në eventin që u zhvillua në Soho Mews House, Romeo tërhoqi vëmendjen me një xhaketë kamuflazhi, ndërsa Amelia zgjodhi një veshje më casual.
Mia, nga ana tjetër, u shfaq me një fustan të zi transparent, duke bërë që dukja e saj të ishte shumë e komentuar.
Edhe pse të tre ndodheshin në të njëjtin vend, nuk u panë duke hyrë apo dalë së bashku. Gjatë ditës, Romeo dhe Amelia dolën në pasarelë, ndërsa Mia i ndoqi nga rreshti i parë.
Ky incident rikujton edhe festën e vitit të kaluar gjatë London Fashion Week, ku Romeo u fotografua duke dalë fshehurazi me Amelia – vetëm një ditë pas një nate me influencuesen Sophie Julia.
Amelia Gray, vajza e Lisa Rinna dhe Harry Hamlin, ka pasur më parë lidhje me Scott Disick dhe po ndërton një karrierë të suksesshme në modë.
