Një ish-ushtar i Marinës Britanike, Paul Farthing fillimisht shërbeu si komando me marinsat mbretërorë në provincën afgane të Helmand në mesin e viteve 2000. Veterani i Marinës Mbretërore i ka bërë një lutje qeverisë britanike për të ndihmuar stafin lokal në strehën e kafshëve të tij në Afganistan të largohet nga vendi i shkatërruar nga lufta.
Paul është zotuar se nuk do t’i lërë punëtorët e tij prapa për të “pësuar një fat” që Perëndimi u kishte detyruar atyre. Ai nisi një organizatë bamirësie, Nowzad, e cila po u kërkon ministrave të “bëjnë gjënë e duhur” duke fluturuar 71 persona në Mbretërinë e Bashkuar nga Afganistani pasi talebanët pushtuan kryeqytetin Kabul. Zyra Britanike e Jashtme tha se ishte në kontakt me Farthing për të ofruar ndihmë.
Farthing krijoi qendrën e bamirësisë së tij gati 15 vjet më parë për të promovuar mirëqenien e kafshëve në vend dhe në këtë mënyrë të shpëtonte qentë endacakë dhe gomarët e abuzuar. Pavarësisht se klinika e tij kishte trajnuar veterineret e parë femra plotësisht të kualifikuara në vend, ai tani ka frikë për të ardhmen e tyre.
Unë nuk mendoj se ka fjalë për të përshkruar atë që ato po ndiejnë tani. Çfarë i thoni dikujt që ndoshta do t’i thuhet se do të duhet të martohet me një luftëtar talebanë dhe të përfundojë të jetojë në shtëpi, duke mos u lejuar kurrë të largohet dhe thjesht duke rritur fëmijë me dikë që ata e urrejnë?
Farthing, tha se Perëndimi duhet të ulë kokën nga turpi për atë që sapo i kanë bërë këtij vendi.
Ne u dhamë njerëzve shpresë, aspirata, ëndrrat për të ardhmen. Brenda disa javësh, ne sapo i kemi hequr ato prej tyre.
Veterani shprehu zemërimin ndaj Britanisë dhe Amerikës për braktisjen e civilëve të pafajshëm afganë ndaj regjimit “mesjetar” të talebanëve.
Boris Johnson duhet të ketë turp absolut për atë që ka bërë. Atij duhet t’i kenë bërë presion amerikanët për të bërë një tërheqje të rregullt. Unë kam një pasaportë britanike dhe mund të largohem. Por asnjë nga ekipi im afgan ose populli i zakonshëm afgan nuk mund ta bëjë këtë.
Me origjinë nga Essex, Farthing kaloi dekadën e fundit duke drejtuar Nowzad, streha e parë zyrtare e kafshëve në vend që kujdeset për më shumë se 140 qen, 60 mace, 24 gomarë dhe disa kuaj. Ai shoqërohet nga gruaja e tij norvegjeze Kaisa dhe 23 punonjësit e tyre lokalë, të cilët thuhet se janë të tmerruar nga objektivat e talebanëve. Grupi ekstremist më parë dihej se ekzekutonte vendasit që punonin për kompanitë perëndimore.
Ne po përpiqemi dëshpërimisht tani me mjete të ndryshme për të parë nëse mund t’i ndihmojmë ata të marrin viza dhe t’i ndihmojmë ata të dalin jashtë.
Bashkëshortja e tij Kaisa Farthing u largua nga vendi pasi situata u përkeqësua dhe është e frikshme situata për anëtarët e stafit të saj femra nën një regjim taleban.
Vajzat kanë dëgjuar histori nga të afërmit e tyre në qytetet e tjera të luftëtarëve talebanë që trokasin në dyer dhe pyesin nëse familjet kanë vajza të pamartuara, Një vajzë tha se do të vriste veten në vend që të martohej me një Luftëtar taleban. Ajo ka gati një thikë.
