Rusia nuk përjashton kundërmasat pas paketës së re të sanksioneve të BE-së, e 18-ta me radhë .
Sipas një deklarate të zëvendësministrit të jashtëm rus, Alexander Grushko, masat nga Moska do të merren në konsideratë pasi të jetë analizuar ndikimi i tyre në ekonominë ruse.
“Sigurisht, ne do të analizojmë ndikimin e tyre në ekonominë tonë. Do të marrim masa që mbështesin interesat tona nëse është e nevojshme. Dhe disa kundërmasa janë gjithashtu të mundshme”, tha diplomati i lartë.
Paketa e 18-të e sanksioneve anti-ruse e Bashkimit Evropian zgjeron listën e zezë të individëve dhe personave juridikë, ul çmimin maksimal për blerjet e naftës ruse në BE, përjashton mundësinë e rifillimit të funksionimit të tubacioneve të gazit Nord Stream, prezanton kufizime kundër anijeve cisternë dhe bankave, si dhe vendos kufizime të reja në eksporte.
Rusia ka “fituar njëfarë imuniteti nga sanksionet duke u përshtatur me jetën nën sanksione”, tha zëdhënësi i Kremlinit, Dmitry Peskov, i cituar nga Tass.
Ndërkohë, Yulia Svyrydenko, një ekonomiste 39-vjeçare dhe ish-zëvendëskryeministre, u konfirmua zyrtarisht nga parlamenti ukrainas si kryeministrja e re, pas emërimit të saj nga Volodymyr Zelensky.
Duke komentuar deklaratat e Trump që shprehnin zhgënjimin e tij me Putinin, zëdhënësi i Kremlinit Peskov i bëri thirrje presidentit amerikan t’i kërkojë Kievit të negociojë.
