Italianët e nisën vitin me daljen në tregun evropian të Grande Panda-s së re. Megjithatë, Fiat nuk do të presë shumë për të zgjeruar popullaritetin e Pandas në një model edhe më të madh. CEO i markës nga Torino njoftoi ardhjen e një Panda më të madhe, duke lënë të kuptohet edhe emrin e saj. Të gjesh një emër për një makinë nuk është detyrë e lehtë. Kjo sepse pjesa më e madhe e suksesit të një makine varet nga vetë emri. Por me Fiat është një histori tjetër.
Marka me bazë në Torino ka trashëguar emrin Panda dhe është e vështirë të kujtohet hera e fundit kur krijoi diçka krejtësisht të re. Në të njëjtën kohë, italianët po njoftojnë modelin e ri të Grande Panda-s së re, për të cilën Olivier François, kreu i markës, ka lënë të kuptohet tashmë se do të prezantohet këtë vit. Modeli debutoi në fillim të vitit të kaluar si koncept dhe Fiat i dha emrin Giga Panda në atë kohë, por ishte e qartë se ky nuk ishte emri përfundimtar për makinën, e cila do të prezantohet pas disa muajsh. Në një intervistë të fundit, François i është referuar asaj si “Pandissima” dhe ka mundësi që ky të jetë emri i vërtetë. Por kjo mund të jetë edhe një taktikë mashtruese.
