Një ekip kërkimor kinez ka zhvilluar robotin amfib më të vogël dhe më të lehtë në botë, i aftë të transformohet në çdo formë të dëshiruar. Roboti i zhvilluar nga studiuesit në Universitetin Tsinghua, është i gjatë 9,0 centimetra dhe peshon vetëm 25 gramë. Ai mund të arrijë një shpejtësi prej 1,6 metrash në sekondë. Së fundmi, ekipi projektoi një aktivizues miniaturë që lejon mikrorobotët të ndryshojnë formën dhe të “kyçen” në konfigurime specifike, duke përmirësuar ndjeshëm përshtatshmërinë e tyre në mjedise të ndryshme.
Duke përdorur këtë aktivizues në një dizajn modular të stilit të bllokut të ndërtimit, studiuesit krijuan robotin amfib, i cili mund të transformojë strukturën e tij për të vrapuar dhe fluturuar, duke demonstruar shkathtësi dhe manovrim të avancuar. Sipas profesorit që drejtoi ekipin hulumtues, Zhang Yihui, roboti përbëhet nga disa komponentë, përfshirë rotorët, një motor, një kontrollues dhe një furnizim me energji elektrike, të gjithë të mundësuar nga aktivizuesit.
Doña Alicia në Havana po përdor një kamerier robot për të ofruar ushqime dhe për të përshëndetur klientët. Duke bërë këtë, ajo thuhet se ka tërhequr vendasit dhe turistët kureshtarë. Një kamerier robot tani shpërndan ushqime, përshëndet klientët dhe madje shtrëngon duart. Nga menutë e pajisura me Alexa te shërbimi robotik, kjo përvojë digjitale e ngrënies është unike në Kubë, ku energjia elektrike është e pakët dhe mbështetja teknologjike e kufizuar. Megjithatë, risia po tërheq vendasit dhe turistët kureshtarë, të etur për të dëshmuar të ardhmen e mikpritjes kubane.
Kompania e njohur japoneze Kawasaki Heavy Industries ka prezantuar një koncept mjaft të çuditshëm dhe futuristik në Ekspozitën e Kansait në Osaka; një robot katërkëmbësh i ngjashëm me një kalë, të quajtur Corleo. Corleo është projektuar të ecë në terrene të vështira falë këmbëve të tij të pavarura dhe të lëvizshme. Kjo “kafshë” mekanike funksionon me një motor 150cc me hidrogjen, duke e bërë atë një alternativë potencialisht të pastër për lëvizjen në terrene ku mjetet tradicionale nuk shkojnë dot. Corleo mund të ngjitet në male, të kërcejë mbi akullnaja dhe të përballojë sfida ekstreme. Por deri tani, këto mbeten vetëm në sferën e imagjinatës.
