Familja e presidentit amerikan Joe Biden ka mirëpritur banorin më të ri të Shtëpisë së Bardhë. Bëhet fjalë për një mace dyvjeçare të quajtur Willow. Një zëdhënës i Zonjës së Parë, Jill Biden tha se anëtarja e re mori emrin e qytetit të lindjes së maceve, Willow Grove, Pensilvani.
Macja është e para që jeton në Shtëpinë e Bardhë që nga administrata e Xhorxh W. Bush. Willow do t’i bashkohet familjes së Joe Biden. Fotot e maces me flokë të shkurtër me sy të gjelbër, u shpërndanë në Twitter nga Jill Biden të premten në mëngjes. Zëdhënësi i zonjës Biden, Michael LaRosa tha për “Associated Press” se:
Willow po vendoset në Shtëpinë e Bardhë me lodrat e saj të preferuara, ëmbëlsirat dhe shumë hapësirë për të nuhatur dhe eksploruar.
Zonja Biden u takua me shokun e saj të ri të shtëpisë pasi Willow iu bashkua në skenë në një ngjarje në Pensilvani gjatë fushatës elektorale të bashkëshortit të saj në vitin 2020.
Duke parë lidhjen e tyre të menjëhershme, pronari i fermës e dinte se Willow i përkiste Dr Biden.
Nuk ka pasur asnjë mace në Shtëpinë e Bardhë që nga vdekja e India-s në vitin 2009, një flokëshkurtër amerikane tërësisht e zezë që jetoi me familjen e George W Bush për gati dy dekada. Përveç Willow dhe Commander kafsha shtëpiake më e madhe presidenciale, Champ, vdiq në qershor në moshën 13-vjeçare.
Ndërsa qentë kanë qenë banorë më të shpeshtë të Shtëpisë së Bardhë, disa presidentë kanë mbajtur edhe mace në shtëpi, duke përfshirë Bill Clinton, Jimmy Carter dhe Gerald Ford. Në të kaluarën, kafshët shtëpiake të tjera të Shtëpisë së Bardhë kanë përfshirë brejtës dhe zogj. Vetëm tre presidentë amerikanë James Polk, Andrew Johnson dhe Donald Trump nuk mbajtën asnjë kafshë shtëpiake gjatë kohës që ishin në detyrë.
