Ka ndërruar jetë në moshën 88-vjeçare këngëtarja amerikane, Roberta Flack. E ndjera ishte më e njohur për këngët e saj hit “Killing Me Softly With His Song” dhe “The First Hera I Ever Saw Your Face”. Vdekjen e këngëtares e ka konfirmuar përfaqësuesi i saj, por nuk është bërë i ditur shkaku i vdekjes. “Jemi të thyer të njoftojmë që Roberta Flack ndërroi jetë këtë mëngjes, më 24 shkurt 2025. Ajo vdiq në paqe e rrethuar nga familja e saj. Roberta ka thyer rekorde të mëdha”-u theksua në deklaratë.
Flack lindi në vitin 1937 në Black Mountain, Karolina e Veriut, nga prindër muzikantë. Nëna e saj, Irene ishte pjesë e korit të Kishës, që do të thotë se Flack u njoh me muzikën fetare dhe klasike që herët. Ajo filloi të luante piano në moshën 9-vjeçe dhe në moshën 15-vjeçare u pranua në Universitetin Howard për të studiuar muzikë me një bursë të plotë, një nga studentët më të rinj që u pranua në historinë e shkollës. Flack u martua një herë, në vitin 1966, me muzikantin e xhazit Steve Novosel dhe çifti u divorcua në vitin 1972.
