Arno Dübel, njeriu që njihej si “i papuni më i famshëm”, ka ndërruar jetë në moshën 68-vjeçare në Gjermani. Dübel vdiq në një spital të Hamburgut dy javë më parë, sipas mediave gjermane. Për gati 50 vjet, ai nuk punoi dhe jetoi në kurriz të shtetit. Ai tha se i ka pëlqyer kjo mënyrë jetese, prandaj në vitin 1976 nuk e ka vazhduar më shkollën dhe se sigurimet shoqërore i paguajnë qeranë dhe shpenzimet e jetesës. 20 vite më parë ai u bë i famshëm me deklaratën ‘Të gjithë ata që punojnë janë budallenj’ dhe shpeshherë ishte i ftuar në emisionet gjermane.
Disa orë pas shpalljes së vdekjes së Arno Dübel, ende nuk ka asnjë informacion zyrtar për shkakun e vdekjes. Arno Dübel thuhet se vuante nga një sëmundje kronike e mushkërive që nga viti 1986. I papuni i përhershëm i kaloi vitet e fundit në një azil. Sipas Hamburger Morgenpost, ai u shtrua në spital dy javë më parë. Arno Dübel thuhet se ka vdekur atje disa ditë më vonë. Sipas “Bild”, ai pinte deri në 80 cigare në ditë dhe dashuronte birrën. Nuk dihet zyrtarisht nëse ai kishte grua apo fëmijë.
