Mund t’ju habisë të dini se edhe qentë mund t’i nënshtrohen një transformimi të madh, pasi do të përshtaten mes ndikimeve gjymtuese të ndryshimeve klimatike. Ekspertët në “Love Your Dog” i kërkuan inteligjencës artificiale të parashikonte se çfarë mund të ndodhë në vitet në vijim, bazuar në parashikimet e evolucionit të qenit.
Qentë pritet që një ditë të jenë shumë më shumë si dhelpra, me veshë të mëdhenj dhe madje edhe me këmbë pa qime. Kjo do të thotë që, mbarështuesit e qenve do të vendosin tipare me interes tregtar për të “përmirësuar” racën, e kështu për të kënaqur nevojat dhe kërkesat njerëzore.
Pretendohet se qentë do të peshojnë mesatarisht 4-10 kg, me një hundë të shkurtër dhe veshë të mëdhenj me majë. Kjo mbështet një studim të mëparshëm të udhëhequr nga Universiteti Deakin i Australisë, i cili sugjeron se shumë kafshë me gjak të ngrohtë do të evoluojnë për të pasur veshë më të mëdhenj për të hequr nxehtësinë e tepërt.
Rritjet e madhësisë si kjo tashmë kanë filluar të ndodhin, por Sara Ryding, autore e studimit, pohon se këto janë aktualisht ‘më pak se 10%’. Duke pasur parasysh rritjen e temperaturave, mund të prisni që qimet e qenve të jenë shumë më të holla.
Por ekspertët pretendojnë se disa raca mund të kenë qime më të trasha në këmbë për të mbrojtur më mirë putrat në tokën e nxehtë. Ndërkohë, gëzofi më i lehtë mund t’i ndihmojë qentë të reflektojnë nxehtësinë larg, ndërsa një hundë më e shkurtër dhe më e ngjashme me dhelprën mund t’i ndihmojë ata të mbajnë lagështinë.
