Ekspertët e ushqimit po zbulojnë se jo të gjitha kaloritë e ushqimit ndikojnë njësoj tek trupat tanë. Faktori vendimtar nuk është vetëm sa hamë, por edhe kur, sa shpejt dhe sa mirë e përtypim ushqimin. Studimet tregojnë se koha e vakteve luan një rol të rëndësishëm. Për shembull, gratë mbipeshë që konsumuan pjesën më të madhe të kalorive në mëngjes humbën më shumë peshë sesa ato që hanin më shumë në mbrëmje, edhe pse konsumuan të njëjtën sasi kalorish. Ndërsa të ngrënit më herët përmirëson metabolizmin dhe zvogëlon rrezikun për obezitet dhe probleme kardiovaskulare.
Shpejtësia e të ngrënit gjithashtu ka ndikim. Ata që hanë shpejt konsumojnë më shumë, ndërsa të ngadaltët çlirojnë hormone që rregullojnë oreksin, duke ndihmuar të ndihen të ngopur për më gjatë. Një studim tregoi se të ngrënit në më shumë se 20 minuta ul nivelin e sheqerit në gjak krahasuar me një vakt të shpejtë në 10 minuta.
Edhe struktura e ushqimit ka rëndësi. Për shembull, bajamet e grimcuara japin më shumë kalori sesa të plota, ndërsa frutat të pureuara mund të konsumohen më shpejt, duke ndikuar tek ndjenja e ngopjes. Ushqimet shumë të përpunuara ndryshojnë teksturën dhe metabolizmin, duke rritur konsumimin e kalorive.
Së fundi, variacioni individual luan një rol vendimtar. Nivelet e sheqerit në gjak ndryshojnë tek individët që hanë të njëjtën ushqim, duke treguar se mikrobioma e zorrëve dhe metabolizmi personal ndikojnë tek mënyra se si trupi merr energji nga ushqimi. Kjo qasje sugjeron se për të ruajtur peshën dhe shëndetin, nuk mjafton të numërojmë kaloritë – duhet të kuptojmë mënyrën, kohën dhe strukturën e ushqimit.
