Tylor Chase, ish-ylli i Nickelodeon dhe një nga fytyrat më të njohura të serialit Ned’s Declassified School Survival Guide, po përballet sot me një realitet dramatik, larg famës dhe dritave të kamerave.
Sipas të atit, Chase vuan prej vitesh nga çrregullimi bipolar dhe skizofrenia, si dhe nga varësia ndaj substancave. Familja ka tentuar për më shumë se një dekadë ta ndihmojë me trajtime mjekësore dhe rehabilitim, por ai ka refuzuar vazhdimisht të vazhdojë terapinë dhe medikamentet.
Video që e tregojnë atë të çrregullt në rrugë janë bërë virale në rrjetet sociale, duke shokuar fansat që e kujtojnë ende si adoleshentin e qeshur të ekranit.
Edhe pse policia dhe familja i kanë ofruar strehim dhe ndihmë profesionale, Chase ka zgjedhur të mos i pranojë, duke këmbëngulur se nuk është realisht i pastrehë.
Historia e tij po rikthen në vëmendje anën e errët të famës së hershme dhe betejat e heshtura që shumë ish-aktorë, në fëmijëri, përballojnë larg syrit të publikut.
