Justin Bieber vjen me një surprizë për të gjithë fansat, më në fund publikoi albumin e tij “Swag II”. “Swag II”, vazhdimi i albumit të shtatë të Bieber që u lançua gati dy muaj më parë, u publikua zyrtarisht në Spotify, Apple Music, YouTube dhe platforma të tjera. Vetë Bieber ishte i vetëdijshëm për ankthin dhe për vonesat dhe postoi disa mesazhe në Instagramin e tij ku dukej të thoshte se kishte një vonesë teknike.
Të enjten në mëngjes, Bieber filloi të jepte njoftime për projektin, duke konfirmuar publikimin e tij të dytë surprizë pasi publikoi “Swag” në korrik pa asnjë paralajmërim. Ai ndau postime në Instagram përpara publikimit të albumit në mesnatë të premten, duke zbuluar coverin rozë të projektit dhe postera të ndryshëm promovues me nuancë të ngjashme rozë.
“Swag II” është një album i dytë, që përmban gjithsej 44 këngë. Albumi përmban bashkëpunime me artistë të ftuar si Tems, Bakar, Lil B, Hurricane Chris, Eddie Benjamin, Gunna, Sexxy Red, Dijon dhe komediani Druski. Viti 2025 është viti i parë që Justin Bieber ka publikuar dy albume. Përpara mbërritjes së “Swag” në korrik, publikimi i tij më i fundit ishte “Justice” i vitit 2021.
Epoka e “Swag” vjen pas viteve të ndryshimeve të rëndësishme në jetën e Bieber. Që nga publikimi i “Justice”, ai kishte vuajtur nga probleme shëndetësore, kishte anuluar një turne, kishte shitur katalogun e tij në një marrëveshje prej 200 milionë dollarësh, ishte ndarë nga menaxheri i tij i hershëm Scooter Braun. “Swag” debutoi me 163,000 njësi në mbi 198 milionë transmetime, duke shënuar kështu debutimin më të fortë të Bieber në transmetime gjatë karrierës së tij. A do të ketë sukses “Swag II” me shifra të ngjashme?
