Sydney Sweeney ka rrëmbyer sërish vëmendjen në rrjetet sociale, këtë herë me fushatën më të re të markës së saj të të brendshmeve, Syrn, ku është vetë protagonistja kryesore.
Aktorja 28-vjeçare publikoi në Instagram një seri fotografish nga koleksioni i ri “Small Town Girl”, duke dëshmuar se është ambasadorja më e mirë e markës që mban firmën e saj.
Në imazhet e publikuara, Sweeney shfaqet e veshur me një sytjena me dekolte të thellë dhe pantallona të shkurtra, duke vënë në pah linjat e saj të tonifikuara. Në një prej fotografive ajo pozon nga afër para kamerës, ndërsa në një tjetër shfaqet e përkulur përpara, në një pozë që tërhoqi menjëherë vëmendjen e ndjekësve.
Fotografitë u bënë shpejt virale dhe u mbushën me komente pozitive, ku fansat komplimentuan jo vetëm paraqitjen e aktores, por edhe dizajnin e koleksionit të ri.
Mediat amerikane e kanë cilësuar Sweeney si “reklamën më të mirë” për markën e saj, ndërsa shumë ndjekës kërkuan që Syrn të zgjerojë gamën e produkteve me modele më praktike dhe funksionale edhe për aktivitetet sportive.
Aktorja ka folur edhe më herët për rutinën që ndjek për të ruajtur formën fizike. Ajo stërvitet disa herë në javë në studion Solidcore, një metodë me intensitet të lartë e frymëzuar nga Pilates, e njohur për forcimin e muskujve dhe qëndrueshmërisë fizike.
Publikimi i fushatës vjen në një periudhë kur Sydney Sweeney vazhdon të jetë në qendër të vëmendjes edhe për rikthimin e serialit “Euphoria”, sezoni i tretë i të cilit po komentohet gjerësisht.
Megjithëse interpreton një nga personazhet më të rëndësishme të serialit, Cassie Howard, aktorja nuk arriti të siguronte një nominim për çmimet Emmy këtë vit. Ndërkohë, bashkëaktorja e saj Zendaya u nominua në kategorinë e aktores më të mirë protagoniste në një serial dramatik.
Mes diskutimeve të shumta rreth zhvillimit të historisë së Cassie-t, krijuesi i “Euphoria”, Sam Levinson, ka dalë në mbrojtje të personazhit të interpretuar nga Sweeney, duke iu përgjigjur kritikave që kanë shoqëruar sezonin e ri.
