Ditën e djeshme, Aldo vendosi të hapë kutinë e emergjencës në programin “Big Brother VIP Albania”, e cila i dha mundësinë për t’u takuar me vajzën e tij të vogël, që e surprizoi në shtëpinë e show-t.
Pas këtij momenti emocionues, Vëllai i Madh i kërkoi të gjithë banorëve të qëndronin të palëvizur gjatë lojës “Ngriva”, por Aldo, i kapur nga emocionet, nuk mundi ta përmbante veten dhe përqafoi vajzën e tij.
Pasi loja “Shkriva” u mbyll, banorët e tjerë morën mundësinë për ta takuar dhe për ta përshëndetur vajzën e Aldos. Egli, ishte e para që iu afrua, duke treguar kujdes dhe dashamirësi ndaj saj.
Ndërkohë, Aldo shfrytëzoi momentin për të shëtitur vajzën nëpër shtëpinë e “Big Brother”, duke i treguar ambientet dhe duke shfaqur kujdesin e tij prindëror.
Gjithashtu, Aldo përdori mundësinë që iu dha për të dërguar një banor në nominim të përhershëm, dhe ai vendosi të dërgojë Gertën, duke e përfshirë atë në një situatë të re konkurrimi.
