Rektori i Universitetit të Tiranës Artan Hoxha do rikandodojë sërish pa asnjë kundërshtar, pas katër vitesh drejtim në këtë universitet.
Gazetarja e Top Channel, Kristi Gongo zbulon edhe emrat e kandidatëve të njësive kryesore të UT; ku nga 6 Fakultete në tre prej tyre gjithashtu nuk do të ketë garë.
Dhori Kule i cili ka nisur karrierën drejtuese akademike që prej 1997, shkëputet këtë vit, për shkak se nuk i lejohet e drejta e rikandidimit sipas ndryshimeve ligjore të arsimit të lartë. Mirëpo, duket se në krye do të vendoset njeriu i besuar, Bernard Dosti i cili tashmë mban detyrën e zv rektorit në UT, por do të garojë i vetëm në zgjedhjet për dekan në Fakultetin Ekonomik
Kandidatë për dekan në Fakultetet e Universitetit të Tiranës, nga 6 Fakultete në 3 zgjedhje pa garë
-Fakulteti i Ekonomisë, që prej 2016 dekan ikën nga drejtimi Dhori Kule, Bernard Dosti kandidat i vetëm.
-Fakulteti i Drejtësisë- Dorina Hoxha, kandidate e vetme (aktualisht është në krye).
-Fakulteti i Gjuhëve të Huaja, kandidate e vetme Esmeralda Kromidha (aktualisht e drejton).
-Fakulteti i Histori-Filologjisë – largohet Sabri Laçi , në garë Mark Marku dhe Dhimitër Doka
-Fakulteti i Shkencave të Natyres- përfundon mandati Spiro Dushku, në garë Eglantina Kalluçi dhe Endrit Xhina
-Fakulteti i Shkencave Sociale – mbyll 2 mandate Edmond Rapti, në garë Edvin Lame dhe Eliona Kulluri.
Universitet i Tiranës është një universitet publik që ofron gamë të plotë të programeve të nivelit bachelor, master dhe studime doktorale. Universiteti kontribuon në zhvillimin e shoqërisë, përmes tre shtyllave të misionit të arsimit të lartë publik, kërkim shkencor, edukim, si dhe shërbim ndaj publikut, që vazhdimisht e pasurojnë dhe informojnë njëra-tjetrën.
Ne ofrojmë edukim me në qendër studentin si dhe nxisim rritjen personale dhe intelektuale, për të përgatitur studentë për karriere produktive dhe qytetare të përgjegjshëm në një shoqëri globale.
