Arnold Schwarzenegger ka dhuruar 250,000 dollarë për të siguruar 25 shtëpi të vogla për veteranët e luftës në Kaliforni. Njësitë e vogla të banimit me madhësi sa një dhomë me shtretër dhe ngrohje do të ndihmojnë ish-personelin ushtarak të largohet nga rrugët. Schwarzenegger shkroi në llogarinë e tij në Twitter:
Kjo është ajo rreth çfarë kanë të bëjnë Krishtlindjet. Të gjithë ju keni fuqinë të bëni diçka për dikë këtë sezon festash. Nuk ka pse të jetë diçka e madhe. Thjesht dhuroni disa minuta nga koha juaj për të ndihmuar dikë tjetër.
This is what Christmas is all about. All of you have the power to do something for someone else this holiday season. It doesn’t have to be big. Just give a few minutes of your time to help someone else. https://t.co/xHiKKRPOh7
— Arnold (@Schwarzenegger) December 24, 2021
Që kur ai e bëri publik donacionin e tij, mediat e huaja raportojnë se dhjetëra persona kanë dhuruar për të njëjtën bamirësi, “Shtëpi për Veteranët”. Ish-guvernatori i Kalifornisë tha se kthimi i vazhdueshëm ndaj “këtij vendi që do të thotë gjithçka për të” e bën atë “të ndihet mirë”. Ai u shpreh se:
Jam në ekstazë, jam shumë i emocionuar, kjo është dhurata më e madhe. Ne i mblodhëm të gjithë së bashku dhe nuk kishte njeri që tha se nuk mund të bëhej.
Ndërkohë Schwarzenegger postoi gjithashtu një seri fotosh në llogarinë e tij në Instagram. Krahas tyre ai shkroi:
Sot festova herët Krishtlindjen. 25 shtëpitë që dhurova për veteranët e pastrehë u instaluan këtu në Los Angeles. Ishte fantastike të kalonim pak kohë me heronjtë tanë dhe t’i mirëpresim në shtëpitë e tyre të reja. Dua të falënderoj @villageforvets për rregullimin e shtëpive dhe që ka qenë një partner fantastik, @secvetaffairs, @amvetshq dhe të gjithë ata që punuan me ne dhe e bënë të mundur këtë. Ne dëshmuam se kur punojmë të gjithë së bashku, mund të zgjidhim çdo problem.