10 vjet pas vdekjes së saj tragjike, muzika e Amy Winehouse ende dëgjohet. Në veçanti, videoklipi për “Back to Black” i publikuar në vitin 2007 tejkaloi një miliard shikime në YouTube, gjë që e bën atë pjesë të një grupi elitar muzikantësh.
Me regji të Phil Griffin, videoklipi bardh e zi tregon kantautoren britanike duke marrë pjesë në një funeral për një romancë që përfundoi në mënyrë të palavdishme. Ai u shkrua nga Mark Ronson dhe ylli i ndjerë u frymëzua nga marrëdhënia e saj e trazuar me ish-bashkëshortin Blake Fielder-Civil, i cili e la për një kohë të shkurtër.
Sipas People, ‘Back to Black’, e publikuar në albumin e saj me të njëjtin titull në 2007, fillimisht arriti në vendin e 25-të në tabelën e këngëve pop në Mbretërinë e Bashkuar të atij viti, përpara se të ngjitej në vendin e 8-të. Rikujtojmë, se së fundmi ish-bashkëshorti i këngëtares së ndjerë ka folur se si do të bënte çdo gjë ndryshe në marrëdhënien e tyre nëse do të mund të kthente kohën pas. Blake, i cili ishte i martuar me Amy-n midis 2007 dhe 2009, u shfaq në Good Morning Britain në ditën që do të ishte ditëlindja e 40-të e këngëtares së ndjerë.
