Këngëtarja shqiptare me famë botërore Bebe Rexha, ka shijuar suksese të shumta ndërkombëtare në muzikë gjatë karrierës së saj. Së fundmi, ylli i muzikës pop ka thyer një rekord botëror duke u bërë artistja e vetme në botë që qëndron për 50 javë e renditur në numrin një, në dy prej top listave muzikore të Billboard. Bëhet fjalë për top-listën e këngëve më të dëgjuara të zhanrit country dhe top-listën e këngëve më të dëgjuara të zhanrit ‘electronic’.
Bukuroshja tha në fillim të këtij viti se:
Të kompozuarit e këngëve është pasioni im, pa marrë parasysh stilin e muzikës. Unë kam qenë e bekuar që kam pasur këngë hit në zhanre të ndryshme gjatë karrierës sime. Gjetja e këtij lloji suksesi si në top listat e zhanrit ‘electronic’ ashtu edhe në atë të ‘country’ është diçka për të cilën jam vërtet krenare.
E lumtur me suksesin, Rexha ndau me ndjekësit e saj në rrjetet sociale lajmin ndërsa u shpreh mirënjohëse.
Jam në shok. Mirënjohëse, e bekuar dhe e lumtur. Faleminderit gjithësecilit që më ka mbështetur në karrierën time. Ju dua, me dashuri Bebe.
Bebe ka qenë shumë e përfolur ditët e fundit sa i përket jetës private. Kjo pasi bukuroshja u nda nga i dashuri i saj prej tri vitesh, Keyan Safyari. Ky i fundit hoqi dorë nga lidhja, duke i dërguar një mesazh privat në InstaDirect me arsyetimin se po e përfundonte lidhjen ngaqë ajo ishte shëndoshur shumë.