José Álvaro Osorio Balvin, i njohur në mbarë botën si J Balvin, është një këngëtar kolumbian i rrymës së muzikës reggaeton. Balvin ka lindur në Medellín, Kolumbi. Në moshën 17-vjeçare, ai u transferua në Shtetet e Bashkuara të Oklahomas dhe Nju Jorkut për të mësuar anglisht dhe u ndikua nga muzika që dëgjoi atje. Më pas u kthye në Medellín dhe fitoi popullaritet duke performuar në klubet e qytetit. Zbulimi i tij erdhi në vitin 2014 me këngën “6 AM” me këngëtarin portorikan Farruko, i cili arriti të renditej në vendin e dytë në tabelën e këngëve më të dëgjuara latine të Billboard.
Ky hit, së bashku me këngën “Ay Vamos”, rriti shitjet e albumit të tij La Familia (2014). Në vitin 2016, ai publikoi “Energia”, e cila përfshinte këngët hit “Ginza”, “Bobo”, “Safari” dhe “Sigo Extranandote”. Në qershor 2017, J Balvin publikoi këngën “Mi Gente” së bashku me artistin Willy William.
Më 1 gusht 2017, “Mi Gente” kryesoi Top 50-të Global në Spotify dhe më vonë arriti 1 miliard shikime në YouTube. Kënga dhe remiksi i saj me artisten amerikane Beyoncé, e ndihmuan J Balvin të arrijë famë ndërkombëtare. Në janar 2018, ai publikoi këngën hit “Machika” me Jeon dhe Anita. Megjithëse muzika e tij është kryesisht reggaeton, J Balvin ka eksperimentuar me një sërë zhanresh muzikore në punën e tij, duke përfshirë elektronikën, muzikën house, trap dhe R&B. Frymëzimi i tij origjinal muzikor ishin grupet rock si Metallica dhe Nirvana. Ai ka bashkëpunuar me artistë si Pharrell, Major Lazer dhe Sean Paul. Pavarësisht se punon me shumë artistë anglishtfolës, J Balvin vazhdon të këndojë pothuajse në spanjisht dhe shpreson të prezantojë muzikën në gjuhën spanjolle në një audiencë globale. Ai shquhet gjithashtu për sensin e tij eklektik dhe plot ngjyra të modës.
5. Major Lazer, J Balvin ft. El Alfa – Que Calor
4. Tainy, J. Balvin – Agua
3. Jhay Cortez, J Balvin, Bad Bunny – No Me Conoce
2. J Balvin, Willy William – Mi Gente
1. ROSALÍA, J Balvin – Con Altura ft. El Guincho
