Nuk kishte si të ishte ndryshe, pasi Billie Eilish muk është nominuar vetëm në një, as në dy por në plot shtatë kategori për ceremoninë e madhe të ndrajes së çmimeve ‘Grammy’. Suksesi i saj është thjeshtë i padiskutueshëm për faktin se bukuroshja 19-vjeçare ka arritur që gjatë gjithë këtij viti të jetë shumë e angazhuar dhe mjaft e përfshirë në vijimin plot arritje të karrierës së saj.
Krijuesja e hitit më të suksesshëm ‘Bad Guy’ bëri debutin para pak muajsh me albumin e saj më të ri i cili quhej ‘Happier Than Ever’, por përpos albumit ajo publikoi edhe filmin e saj të parë muzikor nga i cili arriti që në këtë ceremoni edhe të nominohej në një kategori.
Që pas publikimit të listës së plotë të të nominuarve vetë Billie publikoi një foto në rrjetin e saj social Instagram nga ku edhe kishte shkruar se:
Kjo eshte vërtetë e pabesueshme! Totalisht e shokuar, një lajm kaq i mahnitshëm për t’u zgjuar. Mund të bërtas. FALEMINDERIT @recordingacademy. Shtatë.
Vlen për t’u përmendur se artistja e veçantë dhe mjaft e talentuar edhe gjatë ceremonisë së 63-të të ndarjes së çmimeve arriti që të fitonte plot dhjetë çmime ‘Grammy’. Ndërkohë që këtë vit në ceremoninë e 64-të të ‘Grammy Awards’, Billie Eilish është e nominuar konkretisht në shtatë kategori ku në thelb është albumi i saj më i ri me titull ‘Happier Than Ever’ dhe një nga këngët e tij më të dëgjuara dhe më të suksesshme që mban po të njëjtin emër.
Single i vitit
‘Happier Than Ever’
Kënga e Vitit
‘Happier Than Ever’
Albumi i Vitit
‘Happier Than Ever’
Albumi më i mirë vokal pop
‘Happier Than Ever’
Video më e mirë muzikore solo
‘Happier Than Ever’
Video më e mirë muzikore
‘Happier Than Ever’
Filmi më i mirë muzikor
‘Happier Than Ever: A Love Letter To Los Angeles’
