Billie Eilish ka folur hapur për arsyet pse për vite me radhë ka zgjedhur të vishet me rroba të gjera, duke zbuluar se pas këtij stili fshihej një betejë personale me pasigurinë dhe pranimin e vetes.
Këngëtarja e njohur pranoi se marrëdhënia me trupin e saj ka qenë prej kohësh e vështirë dhe shpesh toksike, duke nisur që nga vitet e hershme të adoleshencës.
Sipas artistes, fakti që ndodhej vazhdimisht nën vëzhgimin e publikut dhe mediave vetëm sa e shtonte presionin dhe ndjesinë e parehatisë me pamjen e saj.
Billie tregoi se për një kohë të gjatë nuk ndihej mirë me veten dhe kishte vështirësi të pranonte mënyrën si dukej.
Kisha një marrëdhënie vërtet toksike me trupin tim. E urreja pamjen time dhe nuk ndihesha rehat me veten time
Megjithatë, ajo theksoi se sot po punon çdo ditë për të krijuar një raport më të shëndetshëm me trupin dhe vetveten.
Artistja u shpreh se po mëson të jetë më e butë me veten, duke pranuar se ky proces nuk është i lehtë, por shumë i rëndësishëm.
Po mësoj të jem më e butë me veten. Nuk është e lehtë, por është e rëndësishme
Rrobat e gjera, sipas saj, u kthyen në një lloj mburoje personale, një mënyrë për të ruajtur kontrollin mbi imazhin e saj dhe për të shmangur komentet mbi trupin.
Në një industri ku pamja e jashtme shpesh gjykohet dhe analizohet, ky stil i lejoi Billie-t ta zhvendoste vëmendjen te muzika dhe arti i saj.
Me kalimin e viteve, zgjedhjet e saj në modë janë bërë pjesë e identitetit të saj unik.
Billie Eilish ka theksuar vazhdimisht se dëshiron të sfidojë stereotipet dhe pritshmëritë mbi mënyrën se si duhet të duken gratë, veçanërisht vajzat e reja në botën e argëtimit.
