Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Music Showbiz

Ed Sheeran publikon “Visting Hours” në nder të mikut të tij…

Ed Sheeran së fundmi i ka befasuar të gjithë fansat e tij me publikimin e këngës “Visiting Hours”, e para nga album i ri i titulluar “=” (“Equals”), i cili publikohet zyrtarisht më 29 Tetor. Kantautori ka bërë të ditur në Instagram se kënga i kushtohet mikut dhe mentorit të tij të ndjerë, Michael Gudinski.

Pas një pauze të shkurtër nga kënga e fundit, Sheeran njoftoi se do të publikonte një album të ri në tetor që vazhdon tematikisht serinë e albumeve të tij të shënuar me simbole matematikore. Ai tha se albumi u ndikua nga përvojat e tij të fundit të jetës, duke filluar me martesën, lindjen e një fëmije dhe humbjen e një shoku të ngushtë dhe se ai i trajton të gjitha këto tema në këngë. Ed deklaroi:

Mendoj se është puna më e mirë që kam bërë. Është e përshtatshme dhe funksionon shkëlqyeshëm.

Albumi do të ketë 14 këngë, ndërsa 30-vjeçari ka treguar se filloi ta shkruante dhe regjistronte që në qershor të vitit 2017 dhe se ishte një proces shumë i gjatë. Kënga “Visiting Hours” është shumë emocionale dhe i kushtohet mikut të tij të ndjerë, ndërsa Sheeran ka thënë se e shkroi këngën gjatë një periudhe zie. Ai ka shkruar në Instagram lidhur me këtë:

Përfundova duke shkruar këtë këngë pasi po kaloja një trishtim të vërtetë, për herë të parë. Për mua është një nga këngët më të rëndësishme në album.

Ai gjithashtu falënderoi Kylie Minogue dhe Jimmy Barnes për ndarjen e talentit të tyre në vokalin mbështetës të këngës. Sipas Sheeran, kënga e radhës duhet të publikohet më 10 Shtator.

Rikujtojmë se, këngëtari i njohur Ed Sheeran dhe partnerja e tij Cherry Seaborn u bënë prindër për herë të parë në shtator të vitit të kaluar. Ylli i njohur ka treguar se ai dhe gruaja e tij dalin vetëm një herë në javë për shkak se gjatë gjithë kohës përkujdesen për vajzën e tyre, të cilën e kanë quajtur Lyra Antartica dhe është vetëm 11 muajshe.