Gati 200 vjet pas vdekjes së Ludwig van Beethoven, studiuesit nxorrën ADN-në nga fijet e flokëve të tij, duke kërkuar të dhëna për problemet shëndetësore dhe humbjen e dëgjimit që e mundonin atë. Ata nuk ishin në gjendje të zgjidhin rastin e shurdhimit të kompozitorit gjerman ose sëmundjeve të rënda të stomakut. Por ata gjetën një rrezik gjenetik për sëmundje të mëlçisë, plus një infeksion të hepatitit B që dëmton mëlçinë në muajt e fundit të jetës së tij.
Së fundmi shkencëtarët kanë studiuar fijet e flokëve të Ludwig van Beethoven të përdorura në analizat e mëparshme të ADN-së për të përcaktuar nëse gjeniu suprem muzikor kishte një dhuratë të trashëguar për muzikën. Faqja e internetit popularmechanics.com raporton se hulumtimi është kryer nga Instituti Max Planck për Empiricizmin Estetik në Gjermani dhe Instituti për Psikolinguistikë (MPI-PL) në Holandë, si dhe nga Qendra Mjekësore e Universitetit Vanderbil.
Qëllimi ishte të zbulohej nëse kishte një talent të trashëguar, pasi është vërtetuar se përmes ADN- ë ka 42% mundësi për të qenë të prirur muzikor, në rast se një ose të dy prindërit janë të përfshirë. Në rastin e Bethoven-it, një gjë e tillë nuk u gjet, me shkencëtarët që konsideronin se ai u bë një gjeni muzikor vetë dhe jo sepse kishte ndonjë predispozitë trashëgimore.
Ndërkaq, fragmente të një kafke që besohet se ka qenë ajo e kompozitorit Ludwig van Beethoven i janë dhuruar një universiteti në Austri pas dekadash të kaluara në Shtetet e Bashkuara. Pjesët e kockave iu dhuruan Universitetit Mjekësor të Vjenës nga biznesmeni amerikan Paul Kaufmann, i cili i zbuloi ato në një kuti depozitash në një bankë franceze pas vdekjes së nënës së tij në vitin 1990. Më vonë doli se eshtrat, të cilat ndodheshin në një kanaçe të gdhendur me fjalën “Beethoven”, ishin marrë nga pasuria e xhaxhait të nënës së tij, Franz Romeo Seligmann.
