Celebrities Gossip Showbiz

Gjyakata merr vendimin në lidhje me çështjen e akuzave seksuale ndaj Cristiano Ronaldos!

Së fundmi futbollisti i njohur në mbarë botën, Cristiano Ronaldo është liruar nga akuzat për përdhunim të ngritura nga Kathryn Mayorga për ngjarjet e vitit 2009. Një gjykatë amerikane ka hedhur poshtë gjithashtu padinë e dytë nga Kathryn Mayorga kundër futbollistit të talentuar, pasi e para u rrëzua në vitin 2018. Prandaj, Kathryn ngriti një padi private përmes avokatëve të saj dhe deklaroi se ajo i mbijetoi sulmit seksual të Ronaldos në një hotel në Las Vegas në vitin 2009.

Megjithatë, një gjykatë në Nevada dhe gjyqtarja Jennifer Dorsey hodhën poshtë akuzat e Kathryn Mayorga. Ronaldo i mohoi akuzat që në fillim dhe u pajtua me Mayorgan duke i paguar asaj shumën prej 375 mijë dollarësh. Megjithatë, ajo më pas kërkoi një shumë miliona dollarëshe me pretendimet se kishte pësuar trauma emocionale dhe se ishte nën presion në fillim për të pranuar ofertën e Ronaldos.

Gjyqtarja Dorsey e hodhi poshtë padinë sepse, sipas raportit, ajo kishte marrë informacione dhe dokumente konfidenciale. Dorsey deklaroi se avokati Leslie Stovall ka abuzuar dhe ka anashkaluar në mënyrë flagrante procesin e procesit gjyqësor. U vendos se Mayorga po humbiste mundësinë për të vazhduar këtë çështje, kështu që Ronaldo u lirua nga të gjitha akuzat.

Nga ana tjetër rikujtojmë se Cristiano Ronaldo ka fituar çmimin e Lojtarit të Vitit të sezonit 2021-2022 te Manchester United, ndonëse humbi në përballjen me David De Gea. Sulmuesi kaloi një sezon të parë deri diku produktiv në “Old Trafford”, duke shënuar 24 gola në të gjitha garat, 18 prej të cilave i realizoi në Premier League. Portugezin në elitën e futbollit anglez e kaluan vetëm Son dhe Salah, për numër golash. Cristiano Ronaldo do të vijojë të jetë pjesë e Manchester United edhe për sezonin e ardhshëm ose të paktën kështu ka lënë portugezi të kuptohet.