Aktorja e njohur Julia Roberts zbuloi se ish-presidenti Barack Obama ka bashkëpunuar me regjisorin e saj për filmin e saj të fundit. Aktorja 56-vjeçare në “The Tonight Show Starring Jimmy Fallon” u pyet për Barack Obama-n dhe gruan e tij duke qenë producente e “Leave The World Behind” me kompaninë e tyre të prodhimit “Higher Ground”. “Leave The Word Behind” është një thriller psikologjik i shkruar, drejtuar dhe prodhuar nga Sam Esmail dhe bazohet në romanin e vitit 2020 me të njëjtin emër nga Rumaan Alam.
“A kanë punuar ngushtë me filmin?”,-pyeti Jimmy. “Po. Epo, kjo ishte në listën e leximeve të Presidentit Obama, e dini, ai nxjerr librat e tij të lezetshëm dhe këngët e lezetshme”,-tha Julia duke iu referuar rekomandimeve vjetore të Barack. “Pra, ky libër ishte në listën e tij dhe ai është një fans i madh i Robot. Dhe kështu mendoj se ai dhe Semi, e dini, bashkëpunuan me notat në fillim dhe shënimet kur mbaruam xhirimet dhe post-produksionin”,-u shpreh aktorja.
“Leave The World Behind” u shfaq premierë në tetor në AFI Fest dhe në kinema përpara publikimit të tij të transmetimit nga Netflix. Ndjek një familje me pushime në Long Island, të cilët ndërpriten nga pronarët e shtëpisë që ata morën me qira duke sjellë lajmin për një ndërprerje misterioze. Julia përveç se ka luajtur në film është gjithashtu një bashkë-producente pasi ka punuar më parë me Sam në serialin “ Homecoming”. Së fundmi aktorja e njohur ka folur për vdekjen e ish-të dashurit të saj, Matthew Perry, në moshën 54-vjeçare. Aktorja e “The Ocean’s Twelve” ka qenë në një lidhje të shkurtër me ikonën e “Friends” në mesin e viteve ’90 por të dy vazhduan me partnerë të tjerë.
