Një burrë nga Kalifornia me gjuhën më të gjatë në botë, thotë se ka gjetur një mënyrë të pazakontë për të vënë në punë muskujt e tij, duke pikturuar. Nick Stoeberl, u vlerësua me rekordin botëror për gjuhën më të gjatë kur u mat zyrtarisht në 10 cm nga maja te dhëmbët në vitin 2012. Ai tregoi aftësitë e tij të pazakonta në pikturë gjatë një paraqitjeje në serialin ‘ITV This Morning’.
Stoeberl u tregoi mikpritësve Phillip Schofield dhe Holly Willoughby se si e mbështjell gjuhën e tij me mbështjellës plastik përpara se ta zhysë në bojë dhe ta përdorë për të vizatuar në një kanavacë. Thyesi i rekordeve tha se i është dhënë pseudonimi Lickasso për metodën e tij të pazakontë të pikturës. Ai zbuloi se pikturat e tij janë shitur deri në 1200 dollarë.
