Marsi është muaji i ndërgjegjësimit për kancerin e zorrës së trashë dhe mjekët po japin alarmin për një rritje shqetësuese të numri të të rinjve të prekur nga kjo sëmundje. Vitet e fundit është shënuar rritje në numrin e rasteve të personave të prekur nga kanceri i zonës së trashë dhe kjo sëmundje është shkaku i dytë i vdekjeve në vendet e zhvilluara. Dy milionë raste të kancerit të zorrës së trashë diagnostikohen çdo vit dhe sipas ekspertëve, parashikimet sugjerojnë se këto shifra nuk do të bien në vitet e ardhshme.
Po kështu, një tjetër gjë që ka shkaktuar alarme nga komuniteti shkencor është mosha shumë e re në të cilën kanë filluar të zbulohen rastet. Prej disa kohësh, ata kanë vërejtur se gjithnjë e më shumë persona nën 50-vjeç vuajnë nga kjo sëmundje. Dhe pikërisht që në moshën 50-vjeçare mjekët fillojnë t’u rekomandojnë pacientëve të tyre që të kryejnë ekzaminime periodike për të parandaluar këtë lloj kanceri.
Prandaj, ekspertët po shqyrtojnë mundësinë e fillimit të këtyre testeve që në moshën 45-vjeçare. Sidomos në SHBA, ku presin që ky lloj kanceri të bëhet shkaku kryesor i vdekjeve te njerëzit e moshës 20 deri në 49 vjeç. Kanceri i zorrës së trashë është një sëmundje në të cilën qelizat në zorrën e trashë fillojnë të shumohen në mënyrë të pakontrolluar. Si rezultat i këtij procesi, indet anormale ose polipet rriten në atë zonë.
