Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Music Showbiz

Këngëtarja Jessie J rrëfen mes lotësh mbi sëmundjen e saj të rrallë!

Këngëtarja e njohur Jessie J hoqi dorë nga muzika në fund të vitit 2020 pasi u diagnostikua me sëmundjen e quajtur ‘Meinere’, e cila shkakton humbjen e dëgjimit. Këngëtarja ka shpjeguar se për shkak të kësaj nuk mundet të këndojë me zë të lartë, sepse ndjen dhembje dhe për këtë arsye ajo nuk ka qenë aktive në muzikë prej kohësh.

Së fundmi, përmes një postimi në llogarinë e saj në “Instagram”, Jessie J ka shpjeguar se mjekët i kanë kërkuar që tu dërgonte një video duke kënduar diçka me qetësi, kështu ata mund të dëgjonin zërin e saj. Ajo këndon me zë shumë të ulët, teksa përlotet gjatë videos. Artistja ka shkruar se ndihet shumë e dobët duke e cilësuar muzikën si vetë jetën dhe lumturinë e saj. Mes lotësh këngëtarja ka thënë se:

Kënga e parë që këndova ishte “I want Love”. Duke dëgjuar veten teksa këndoj ndihem shumë e dobët dhe kjo më bëri të përlotem. Që nga ajo ditë nuk kam mundur të këndoj më, sepse ndjej dhembje. Ka qenë shumë e vështirë për mua që të mos këndoj. Në kuptimin e plotë të fjalës kënga është jeta dhe lumturia ime. Të qendruarit në heshtje është diçka që unë nuk e bëj mirë.

Jessie J ndër të tjera shtoi se:

Ishte ky momenti që unë e ndjeva se duhet të isha e sinqertë me veten dhe me të gjithë ju për situatën në të cilën ndodhem dhe të shpjegoja se çfarë po ndodhte. Për të qenë e vërtetë, të di që kam mbështetjen dhe dashurinë tuaj do të më ndihmonte ta kaloja këtë më shpejt.

Rikujtojmë se, para pak kohësh këngëtarja paralajmëroi një projekt të ri duke thënë se më në fund ishte gati dhe fansat u emocionuan.