Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Këta mund të jenë emrat që do të prezantojnë “Eurovision 2022” në Itali…

Vitin që vjen, Italia do mirëpresë të gjithë pjesëmarrësit e “Eurovision 2022”, si vendi që mori stafetën për zhvillimin e kompeticionit të njohur europian pas fitores së grupit Maneskin këtë vit. Që tani, kur përgatitjet janë ende në hapat e parë, pasi sapo është hapur audicioni për qytetet që duan të marrin drejtimin e kompeticionit. Disa fjalë po qarkullojnë gjithashtu edhe për drejtuesit e saj.

Në krye të listës së kandidatëve sipas atyre që po qarkullojnë janë Chiara Ferragni dhe Alessandro Cattelan, që njihet ndryshe si Jimmy Fallon i Italisë. Lajmi u përhap nga e përjavshmja “Oggi”, sipas së cilës “Rai” ja ka vënë sytë influenceres së njohur në të gjithë botën dhe moderatorit të suksesshëm. Për momentin të gjitha janë veç thashetheme, por kaq u desh që gjithë Twitter të mbushet me opinione (goxha pozitive) për këtë dyshe.

Në fakt, të dy i përshtaten më së miri formatit. Cattelan ka eksperiencë të mëparshme në moderim, pasi ka prezantuar “X Factor Italy” për 9 vite, duke përfshirë këtu edhe vitin në të cilin konkuroi grupi Maneskin në 2017. Pas kësaj, ai u largua nga “Sky” për t’u bashkuar me “Rai”.

Nga ana tjetër, Chiara Ferragni është shumë e famshme, duke numëruar mbi 24 milion ndjekës në Instagram. Gjithsesi, të qenit e martuar me Fedez mund të pengojë disi situatën, duke marrë parasysh kritikat e këtij të fundit nga “Rai”.

Thuhet se mund të jetë dhe një moderator i tretë, ndoshta për prapa kuintave. Për surprizën e të gjithëve, mendohet që këtë pozicion ta marrë MIKA. Pavarësisht prejardhjes së tij, ai e flet rrjedhshëm italishten dhe ka një karrierë televizive prej vitesh tashmë.