Ekzistojnë 2 lloje filmash, ato ku ne e dimë përfundimin dhe ato që na mbajnë në ankth dhe panik deri në fund. Zakonisht, janë ato filma dhe seriale misterioze që na lënë të mendojmë për fundin dhe në fakt përfundimi del totalisht jashtë parashikimeve tona.
Ne ju njohim me disa nga filmat ku përfundimi është po aq i papritur sa bora në korrik:
“The Wife”
Gjatë martesës së tyre 40-vjeçare, një grua e zakonshme, Joan Castleman, ka sakrifikuar ambiciet e saj letrare për hir të karrierës letrare të burrit të saj. Por kur Joe, burri i saj, merr Çmimin Nobel për Letërsi, Joan fillon të vë në dyshim zgjedhjet e saj të jetës…
“Get Out”
Një fotograf i ri afro-amerikan, Chris Washington, do të takojë familjen e të dashurës së tij, e cila i përket elitës së shoqërisë dhe që jeton në një shtëpi të izoluar të vendit. Sikur ta dinte ai arsyen e vërtetë të kësaj ftese, do të përpiqej të largohej sa më shpejt që të mundte …
“Gone Girl”
Gjithçka ishte gati për të festuar 5 vjetorin e martesës së Nick dhe Amy kur papritmas Amy humbet. Disa gjurmë të luftës kanë mbetur në shtëpinë e tyre, si dhe disa të dhëna që Amy la për burrin e saj të dashur si pjesë e lojës që ajo luan gjithmonë me të në këtë ditë. Janë këto të dhëna që do të ndihmojnë të hedhin dritë mbi zhdukjen e saj dhe që do ta bëjnë Nick të zbulojë disa mistere të pakëndshme për jetën e tij personale.
“The Hidden Face”
Fabiana, e cila punon si kamariere, takon një dirigjent të ri të orkestrës dhe ata fillojnë një lidhje. Për të gjithçka duket ideale, por së shpejti ajo zbulon se policia po heton zhdukjen misterioze të ish-të dashurës së tij…
“Hold the Dark”
Ky ‘thriller’ nga Netflix është më mirë të shikohet në mot të ngrohtë. Veprimi zhvillohet në një fshat të largët në Alaska midis borës, të ftohtit dhe errësirës së përjetshme. Kjo është arsyeja pse nuk është për t’u habitur që jo vetëm njerëzit atje, por edhe ujqërit, filluan të çmenden dhe të vjedhin foshnje njerëzore…
“Tell No One”
Gruaja e Alexandre Beck ishte viktimë e një vrasësi serial 8 vjet më parë. Aleksi nuk mund ta kapërcejë humbjen dhe u zhyt plotësisht në punën e tij. Situata ndërlikohet kur Alex merr informacion se gruaja e tij është ndoshta e gjallë dhe për më tepër, ndoshta është në rrezik, ashtu si ai…
“The Handmaiden”
Veprimi zhvillohet në Korenë e pushtuar nga japonezët. Një mashtrues me nofkën “Kont Fujiwara” i ofron Sook-hee, një vajzë të varfër, mundësinë për të marrë pjesë në një skemë, duke premtuar të ardhura të forta. Ai pret që të bëjë për vete një grua të pasur japoneze dhe të largohet në Japoni së bashku me të, të martohet me të, ta shpall atë të çmendur dhe t’i marrë të gjitha paratë e saj…
Ndërkaq ju rikujtojmë se “Marvel” ka lançuar një video të re për prodhimet e tyre duke treguar xhirimet e para të Angelina Jolie dhe Richard Madden në “Eternals”, datën e lançimit për “Guardians of the Galaxy 3”, si dhe ka konfirmuar titullin për “Black Panther 3” por edhe filma të tjerë.
