Aktorit të njohur Tom Cruise iu deshën plot 36 vjet për t’u kthyer përsëri në ‘zonën e rrezikut’ dhe kritikët e filmit thanë se ia ka vlejtur pritja e madhe për të parë “Top Gun” përsëri në ekranin e madh të kinemave. Vazhdimi i filmit të suksesshëm të vitit 1986, i quajtur “Top Gun: Maverick”, fitoi një vlerësim pozitiv 96% nga komentet e mbledhura në faqen e internetit Rotten Tomatoes. Vlen të theksohet se filmi do të debutojë në kinema më 27 maj.
Në film, 59-vjeçari Cruise ripërsërit rolin e tij si Pete Mitchell, piloti kokëfortë i Marinës i cili nuk është ngritur kurrë në gradat për shkak të prirjes së tij. Mitchell, emri i koduar i të cilit është Maverick, i kërkohet të trajnojë një grup pilotësh të rinj luftarakë për një mision të specializuar. Mark Kennedy i Associated Press e quajti filmin e ri “një shembull teksti se si të bëhet një vazhdim”.
Analistët parashikojnë se filmi do të renditet si një nga hitet më të mëdha për shitjen e biletave gjatë gjithë stinës së verës. Ishte planifikuar të dilte në qershor të vitit 2020, por distributori Paramount Pictures (PARA.O) e vonoi lançimin disa herë përgjatë pandemisë së COVID-19. Shawn Robbins, analisti kryesor në BoxOffice Pro, vlerësoi se shitja e biletave do të arrinte 100 milionë dollarë gjatë fundjavës së Ditës së Përkujtimit në Shtetet e Bashkuara dhe Kanada. Kjo do ta bënte atë debutimin me fitimin më të lartë në karrierën e Cruise.
Aktori është duke e promovuar filmin në evente në mbarë botën. Në një premierë në San Diego, ai bëri një hyrje madhështore duke pilotuar një helikopter në një aeroplanmbajtëse. Javën e ardhshme, ai do të marrë pjesë në një shfaqje në Festivalin e Filmit në Kanë në Francë. Kritikët thanë se filmi ofron skena drithëruese fluturimi, një histori emocionale dhe performanca të forta nga kasti mbështetës, duke përfshirë Miles Teller, i cili luan djalin e Goose, partnerit të Maverick që vdiq në filmin origjinal. Pavarësisht gjithçka të gjitha meritat duket se i takojnë ekipit por në veçanti aktorit të njohur Cruise.
