Reperja Nicki Minaj dhe bashkëshorti Kenneth Petty po paditen nga një grua, të cilën Perry tentoi ta përdhunonte në vitin 1994 dhe u burgos për 4 vjet e gjysmë. Paditësja, tashmë është 43-vjeçe dhe në atë kohë ishte 16, pra një adoleshente.
Vitin e kaluar, Perry u arrestua pasi nuk u regjistrua në sistem si person i dënuar më parë për krime seksuale. Ligji e përcakton se në çdo shtet amerikan ku zhvendoset, duhet të bëhen pjesë e sistemit dhe refuzimi konsiderohet krim federal.
Në padinë e depozituar në Nju Jork, gruaja pretendon se përmes një ndërmjetësi, Minaj i ofroi 500 mijë dollarë që të tërheqë akuzat ndaj bashkëshortit, por akuzuesja shprehet se refuzoi.
Gjithnjë referuar padisë, 43-vjeçarja thotë se pas refuzimit të ofertës, ajo dhe familjarët janë bombarduar nga telefonata e vizita të padëshiruara. Madje, shton se prej majit 2020 nuk është më në gjendje të punojë për shkak të depresionit të rëndë, paranoiave, ngacmimeve e kërcënimeve të vazhdueshme nga çifti i famshëm e njerëz të afërt me ta.
Në padi kërkohet dëmshpërblim, por pa specifikuar llojin, për shkak se e dëmtuara jeton e fshehur.
Avokatët e Minaj-Perry, ende nuk i janë përgjigjur akuzave. Ata nisën të dilnin në vitin 2018 dhe në 2019-ën njoftuan se u martuan e kanë një djalë 11-muajsh.