Së fundmi aktorja e njohur Sophie Turner ka zbuluar në padi se mësoi gjithçka për kërkesën e divorcit nga Joe Jonas përmes mediave. Ajo vuri në dukje se e gjithë situata ndodhi “shumë papritur pas “një grindjeje” në ditëlindjen e 34-të të Jonas më 15 gusht. Më pas ai paraqiti kërkesën për divorc gati tre javë më vonë më 5 shtator në Miami. Në dosje thuhej se “martesa mes palëve është shkatërruar në mënyrë të pakthyeshme”. Në padi, ajo kërkoi gjithashtu që dy fëmijët e saj të ktheheshin në Angli. Divorci i Joe Jonas dhe Sophie Turner dhe lufta për kujdestarinë e dy vajzave të tyre ka të ngjarë të bëhet e ashpër në muajt e ardhshëm.
“Do të jetë një betejë e gjatë gjyqësore,” thotë për Page Six, avokati i famshëm i Nju Jorkut, Aaron Richard Golub, i cili ka punuar me personazhe të famshëm duke përfshirë Gisele Bündchen, Martin Scorsese dhe Brooke Shield. Golub nuk është i përfshirë në çështjen e Jonas dhe Turner, por thotë se gjërat mund të bëhen më të ndërlikuara tani që çështja përfshin tre juridiksione të veçanta dhe dy sisteme të ndryshme ligjore.
Duke marrë parasysh padinë “do të vazhdojnë me apele për vite dhe fëmijët do të vuajnë”. Avokati i divorcit Val Kleyman nga firma ligjore Kleyman Domestic Relations i bën jehonë gjithashtu mendimit të Golub për Page Six.
Do të jetë e ndërlikuar sepse në fund njëra nga palët Turner ose Jonas do të duhet të dorëzohet në vendin ku do të jetojnë fëmijët ose gjykata do të duhet të marrë një vendim.
Aktorja ngriti një padi në një gjykatë në Manhattan duke kërkuar “kthimin e menjëhershëm” të dy vajzave të tyre.
